TutaMondo

Ŝirmilo Samsung LED Cover

Tue, 28 Jan 2020 00:00:00 +0000

En Interreto troviĝas la ŝirmilo Samsung LED Cover por la saĝtelefono Samsung Galaxy S10e. La oficiala prezo estas preskaŭ 60 eŭroj en Francio, verŝajne 60 dolaroj en Usono, aŭ 6000 enoj en Japanio. Ĉu indas elspezi tiom da mono por ŝirmilo?

Testo

Kvankam ĝi estis desegnita por la telefonoj Samsung Galaxy, la koloro iomete malsimilas. La telefono havas interesan blankan koloron kiu reagas kun la lumo, dum la ŝirmilo havas nur kutiman sentinteresan koloron. Kun la blanka modelo, fingrospuroj nur iomete videblas, sed mi pensas ke ĝi multe videblas kun la nigra modelo. Alia problemo estas ke - kiel vi povas facile diveni pro la aspekto - estas glita ŝirmilo kiu eble faligos la telefonon.

La ĉefa intereso de la ŝirmilo konsistas en la LED, kiu videblas eĉ en la blanka modelo. Kiam venas telefonalvoko aŭ mesaĝo, luma bildsimbolo aperas sur la ŝirmilo. Kompreneble bildsimboloj ne videblas kiam la telefono restas sur la dorso, kiu estas la kutima pozicio en mia kazo.

La LED povas ankaŭ faciligi fotojn kun familio aŭ geamikoj, ĉar ĝi povas montri retrokomputadon.

Finfine, oni povas ankaŭ uzi la LED kiel dekoracio. Per la aplikaĵo de la ŝirmilo, oni povas aperigi “spektaklo de steloj” aŭ bildsimbolon (ekzemple: koro, hundo aŭ glaso da biero). Bedaŭrinde ne eblas desegni siajn proprajn bildsimbolojn, nur eblas elekti inter la bildsimbolojn de la aplikaĵo.

Interese, la ŝirmilo ne bezonas baterion, la energio venas de la telefono, tra la funkcio NFC. Tamen, tio signifas ke ĝi povas ĝeni la uzon de la NFC. Krome, la fabrikanto rekomendas forpreni la ŝirmilon por uzi la funkcion de sendrata divido de energio de la telefono Galaxy S10.

Kvankam tiu telefono povas iri, aŭ pli bone diri, fali en akvo dum kelkaj minutoj kaj daŭre funkcii (IP68), mi ne trovis la saman informon pri la ŝirmilo.

Se iu volas ĵeti la ŝirmilon en rubujo, li devas esti atenta ĉar la ŝirmilo ne estas nur plastiko, ĝi estas elektra aparato. Mi certas ke multaj eraros kaj ĵetos en malbona rubujo.

Konkludo

Plus:

amuza
la LED povas esti utila

Minus:

multekosta
iomete malebligas la funkciojn de la saĝtelefono Samsung Galaxy S10 (IP68, NFC, Wireless Power Share)
sentinteresa koloro (kompare kun la Samsung Galaxy S10)
ne eblas desegni siajn proprajn lumajn bildsimbolojn

Mi ne povas honeste rekomendi la ŝirmilon (sen rabato). Konsentinte, ĝi estas amuza, sed tro multekosta. Krome, ĝi estas nur… baza ŝirmilo kaj ne taŭgas por altkvalita telefono kiel la Galaxy S10. Ĝi ne aspektas kiel akcesoraĵo de la sama skipo ĉe la fabrikanto.

Android-saĝtelefono kaj memorkarto

Tue, 17 Dec 2019 00:00:00 +0000

Kiam oni elektas novan Android-saĝtelefonon, unu el la kriterioj por la elekto estas la kvanto de memoro kiu disponeblas, ĉar memoro utilas sed samtempe ĝi estas multekosta. En tiu kondiĉoj, la fabrikantoj kiu proponas saĝtelefonojn kun ebleco por aldoni memorkarton estas laŭdeblaj.

Bedaŭrinde tiu solvo de la problemo de la kvanto de memoro ne estas perfekta. En la nuna artikolo ni vidu la kialon.

Enhavo de la Memoro

Analizo de la memoro montras ke Android-saĝtelefono enhavas la jenajn elementojn.

Baza operaciumo de la fabrikanto. Tio inkluzivas kelkajn ne-forviŝeblajn aplikaĵojn; la uzanto povas nur kaŝi ĝin.
Ĝisdatigo de la bazaj aplikaĵoj per la Google Play Store.
Sekurkopio de la operaciumo.
Aplikaĵoj elŝutitaj de la uzanto.
Datumoj de la aplikaĵoj.
Dokumentoj de la uzanto: skribaĵoj, fotoj, muziko…

En ideala situacio, oni povas movi ĉion al memorkarto. Kompreneble ni ne vivas en ideala mondo kaj ne eblas movi ĉion.

Nemovebla: Operaciumo

Oni povas facile kompreni ke meti la operaciumon sur movebla memoro estas malbona ideo ĉar, se oni forprenus la memoron, kio okazas? Estas pli facile desegni operaciumon kiu bezonas resti en la baza kaj nemovebla memoro.

Oni ankaŭ facile agnoskas ke estas pli facile havi la sekurkopion de la operaciumo en fiksita memoro por esti ĉiam kapabla ree meti la telefonon en la komenca stato.

Facile Moveblaj: Dokumentoj

Movi la dokumentojn al la memorkarto estas tre facila. Androido estis desegnata iomete same kiel fotilo aŭ sonludilo; oni povas facile forpreni la memorkarton por kopii la dokumentojn al komputilo.

Kelkfoje la uzanto povas agordi la aplikaĵojn kaj elekti kiu memoro taŭgas por konservi la dokumentojn. La uzanto povas ankaŭ uzi dosiermastrumilon, en la telefono mem aŭ per komputilo, por movi la dosierojn inter fiksita kaj movebla memoro.

Pli-mapli Facile Moveblaj: Aplikaĵoj

La situacio rilate al aplikaĵoj estas iom kompleksa. Unue, la programisto de aplikaĵo devas eksplicite indiki ke la operaciumo povas instali la aplikaĵon sur memorkarto. Due, li devas intence aldoni en la programo la eblecon krei datumojn en memorkarto. Nepre pensas pri tio la programistoj kiu jam spertis problemojn de fiksita memorkarto plenplena, sed ĉu la aliaj?

La oficiala maniero por movi aplikaĵojn al memorkarto estas:

Malfermi la agordon de la operaciumo.
Malfermi “Aplikaĵojn”.
Elekti unu aplikaĵo kaj malfermi ĝin.
Elekti “Konservado”.
Alkladi “Movi al ekstera memorilo”.

Bedaŭrinde tio ne ĉiam funkcias. Kelkfoje tute ne eblas movi la aplikaĵon ĉar la opcio estas malebligita. Alifoje Androido duone mensogas ĉar ĝi montras ekranon dirante ke la aplikaĵo estas nun en la memorkarto, kvankam oni povas konstati ke tio ne ĉiam estas vera. Ŝajnas ke ne ekzistas simpla solvo por tiu problemo, almenaŭ por la telefonoj de Samsung.

Ĝenerale la memorkartoj estas pli malrapida ol la interna memoro de la saĝtelefono ĉar la memorkartoj estas konceptitaj por esti uzata en fotilo aŭ simila aparataro kiu ne bezonas grandan rapidecon. Se la memorkarto vere estas tro malrapida, la aplikaĵoj ankaŭ iĝas malrapidaj kaj estas malagrable uzi la telefonon. Tiel, oni rekomendas aĉeti memorkarton sufiĉe rapida.

Konkludo

La konkludo de tiu sperto estas ke, por la uzantoj kiu havas multajn dokumentojn, memorkarto estas rekomendinda; por la uzantoj kiu bezonas memoron por la aplikaĵoj, memorkarto verŝajne ne sufiĉos, kaj estos necesa aĉeti multekostan saĝtelefonon kun multe da memoro.

Bedaŭrinde en la estonteco saĝtelefonoj ne plu uzos movebla memoro ĉar la fabrikantoj preferas aldone vendi abonon al iu nuba servo.

Klavararanĝo (Vindozo)

Tue, 20 Nov 2018 00:00:00 +0000

Ĉu vi scias ke pli ol duono de la homaro kapablas paroli almenaŭ du lingvojn? Tio ankaŭ signifas ke multaj homoj bezonas tajpi plurajn lingvojn per komputilo. La jena artiklo proponas diversajn metodojn por Vindozo.

Klavaranĝo

Klavaro ne rekte sendas literojn al la komputilo. Ĝi nur sendas kodon, kaj poste la operaciumo decidas kiu litero tio estas. Ezkemple, la operaciumo ricevas la kodon 50, kaj decidas ke ties litero estas A. Kiam ĝi ricevas 51, la literon estas B, ktp. La tabelo kiu ligas kodojn kaj literojn dependas de la klavaro kiun oni elektis dum la instalo de la operaciumo. Kompreneble, oni kutime elektas tabelon por klavarojn venditaj en sia lando.

Tamen, eblas elekti alia tabelon. Ekzemple, oni povas elekti ke la kodon 50 donas la literon S. Tiam, kiam oni tajpas A sur la klavaro, oni obtenas S. Tio aspektas malkomoda, tamen per tiu metodo, oni povas tajpi kvazaŭ oni havas klavaron de alia lando.

Simuli klavaron de alia lando

Por instali aranĝon de alia lando, oni devas malfermi la jenajn menuojn.

Agordo de Vindozo
Tempo kaj lingvo
Regiono kaj lingvo

Tie, en la menuo ŝatataj lingvoj oni povas aldoni novan lingvon kaj ties klavararanĝon.

Poste, oni povas baskuli la aranĝon per unu el du fulmoklavoj:

Vindozo plus spaco;
aŭ Alt plus majusklo.

Pluso:

Simpla metodo

Minuso:

Ne bone funkcias se la simulata klavaro havas pli da klavoj.
La klavaro ne kongruas kun la aranĝo. Oni tajpas iu litero sur la klavaro, sed la rezulto estas tute alia.
Oni devas lerni novan aranĝon por ĉiu lingvo. Kiam oni tajpas aŭtomate, tio rezultas en multaj eraroj dum la tajpado.

Uzi klavaranĝon por pluraj lingvoj

Alia ebleco estas uzi internacian klavararanĝon kiu estas dedicita al tajpi fremdajn lingvojn. La plej konata estas la aranĝo internacia usonana (US International). Tiu aranĝo inkluzivas pluraj mortaj klavoj kiu funkcias simile: unue oni tajpas mortaj klavo, kaj poste oni tajpas alia klavo; la rezulto dependas de la du klavojn.

Morta klavo	Alia klavo	Rezulto
`'`	(spaco)	`'`
`'`	`'`	`'`
`'`	`e`	`é`
`"`	`i`	`ï`
`^`	`U`	`Û`

Oni povas simple instali tiun aranĝon:

Agordo de Vindozo
Tempo kaj lingvo
Regiono kaj lingvo
Aldoni English (United States)
En la argordo de tiu lingvo, aldoni klavaron, kaj serĉi United States-international.

Bedaŭrinde per tiu aranĝo ne eblas tajpi esperante.

Morta klavo	Alia klavo	Rezulto
`^`	`j`	`^j`
`^`	`H`	`^H`

Pluso:

Multaj klavaroj estas faritaj por la aranĝo US kaj estas uzebla kun la aranĝo US International.
Pluraj lingvoj per unu aranĝo
(laŭ homoj) ne bezonas lerni novan aranĝon

Minuso:

Ne eblas tajpi esperante
(laŭ homoj) bezonas lerni novan aranĝon

Microsoft Keyboard Layout Creator

Alia metodo por tajpi per pluraj lingvoj estas krei sian propran aranĝon. Eble tiu aspektas komplika, sed eblas sin bazi sur aranĝo kiu jam ekzistas. Tio signifas ke, ekzemple, oni povas uzi la aranĝon US International kaj aldoni la literojn kiu mankas por tajpi esperante.

La ĉefa ilo nomiĝas Microsoft Keyboard Layout Creator. Ĝi estas senpage elŝutebla el la retejo de Mikrosofto.

La ĉefa ekrano de la programo montras klavaron kaj ties aranĝon. Oni povas agordi la aranĝon laŭ siaj propraj bezonoj. Mi rekomendas unue malfermi en la menu Dosiero iun araĝon kiu povas esti uzita kiel bazo.

Poste, oni povas destini mortan klavon por tajpi pli da literoj. Dekstra klako sur la klavo eblas montri tabelon kun la detaloj de la morta klavo.

La malsupra tabelo montras la kodojn kiu oni devas aldoni por tajpi esperante. La plej logika metodo estas aldoni tiujn kodojn al la morta klavo ^. Tamen, se vi bezonas tajpi û kaj ŭ vi devos trovi alian mortan klavon (mi uzas #).

Base (code point)	Composite (code point)	Base	Composite
U+0043	U+0108	`C`	`Ĉ`
U+0047	U+011c	`G`	`Ĝ`
U+0048	U+0124	`H`	`Ĥ`
U+004a	U+0134	`J`	`Ĵ`
U+0053	U+015c	`S`	`Ŝ`
U+0055	U+016c	`U`	`Ŭ`
U+0063	U+0109	`c`	`ĉ`
U+0067	U+011d	`g`	`ĝ`
U+0068	U+0125	`h`	`ĥ`
U+006a	U+0135	`j`	`ĵ`
U+0073	U+015d	`s`	`ŝ`
U+0075	U+016d	`u`	`ŭ`

La posta etapo estas kontroli ke la aranĝo estas bone definita.

Se jes, oni povas poste agordi la atributojn de la aranĝo. La atributo pri lingvo fiksas kie la aranĝos aperos kiam oni agordas Vindozon. Ekzemple, oni povas defini iu aranĝo bazita sur US International sed kun franca baza lingvo; tiel ne necesos instali la anglan lingvon se vi jam uzas la franca.

Poste, oni povas konstrui la programon kiu eblas instali la novan aranĝon. Se la programo plendas ĉar aliaj programoj ne troveblas, mi rekomendas denove installi Keyboard Layout Creator, sed en loko kun simpla dosierindiko (ekzemple C:\MSKBD).

La rezulto de sukcesa konstruado estas la kreado de multaj dosieroj, kaj ankaŭ de la kutima setup.exe kiu eblas instali la novan aranĝon. Kompreneble, eblas instali sur aliaj komputiloj per la samaj dosieroj.

Kaj finfine, se oni agordas Vindozon, troveblas la nova aranĝo kiel klavaro de la lingvo kiun oni elektis en la atributoj de la klavaro.

Pluso:

Eblas obteni precize kion oni celas.
Eblas kunparti la aranĝon.

Minuso:

Teda metodo.

Purigado de fontkodo

Wed, 03 Oct 2018 00:00:00 +0000

En ĉi-tiu filmeto mi montras proponon por klarigi fontkodon. Ĝi estas tre baza truko, sed laŭ mia sperto necesas rememorigi bazojn de programlingvoj .

Kartona Komputilujo

Mon, 30 Jul 2018 00:00:00 +0000

Mi uzis kartonon por krei komputilujon.

Videokonferenco

Tue, 01 May 2018 00:00:00 +0000

Nova filmeto. Ĉi-foje temas pri plibonigi la kvaliton de retaj konferencoj.

En ĉi-tiu filmeto mi prezentas kelkajn konsiliojn por ke videokonferencoj estos pli agrable:

elekti taŭgan lokon
konsideri la pozicion de la kamerao
bone lumigi la lokon kaj la vizaĝon

Striglobo Kensington SlimBlade

Sun, 11 Mar 2018 00:00:00 +0000

Kvankam la koncepto de stirglobo estas pli malnova ol la koncepto de muso, malmultaj homoj jam provis uzi iun striglobon. La jena artikolo prezentas la koncepton de stirglobo kaj la modelon Kensington SlimBlade.

Stirgloboj

Kiam oni uzas grafikan fasadon, oni devas kontroli iun montrilon. La plej konata aparato estas sendube komputila muso. Ĝi estas tre simple por uzi, ĉar la movado de la aparato kongruas kun la movado de la montrilo. Kompreneble, muso ne estas la unika aparato, ankaŭ stirglobo eblas kontroli montrilon, kaj fakte ĝi ekzistas de pli longa tempo ol muso.

Oni povas imagi stirglobon kiel muso kun globeto kiu kuŝas sur la dorso. Anstataŭ movi la muson, oni turnas globon per fingroj, kaj tio movas la montrilon en la ekrano. Tiu movado aspektas ne natura, tamen oni rapide alkutimiĝas. Tamen, eblas ke laŭ homoj aŭ laŭ programoj (ekz. ludoj) oni iĝas pli malrapida aŭ pli malpreciza kompare kun muso. Mi ne suferis pri tiu problemo.

Iu avantaĵo de stirglobo estas ke ĝi bezonas malmulte da spaco kompare kun muso kaj ties musmato. Kiam oni havas nur malgrandan labortablon, aŭ kiam la labortablo estas okupata de diversaj aĵoj, stirglobo restas tute uzebla.

Alia avantaĵo de striglobo kompare kun muso rilatas al la sano de la uzanto. Tio dependas de homoj kaj de intenseco de uzado de muso, sed povas okazi ke, komence, la manradiko doloras, kaj ju pli oni uzas muson, des pli la doloro kreskas, kaj iutage oni devas eĉ ĉesi la laboron kaj ne plu uzi komputilon. Mi jam spertis malgradan doloron en la manradiko, kaj mi preferis trakti tion kiel signo ke mi devas zorgi pri mia sano, kaj mi komencis uzi stirglobon.

La modelo Kensington SlimBlade

Mi nun uzas la modelon SlimBlade de la fabrikanto Kensington kaj mi ŝatas tiun modelon. Kompreneble, la aspekto multe plaĉas al mi. La striglobo havas kvar agordeblajn butonojn ĉirkaŭ la globo. La butonoj estas iomete bruaj, eble tro bruaj se vi deziras uzi ĝin en malfermita oficejo.

Musoj kutime havas aldonan radon sur la supra parto por facile rulumi en dokumentoj aŭ retejoj. Stirgloboj havas malsimilajn proponojn por havi la saman funkcion; por tiu modelo SlimBlade, Kensington elektis ke oni turnas la globon desktrume aŭ maldekstrume. Tio funkcias, sed ne bone taŭgas por “intensa rulumado” kaj mi ofte preferas uzi la klavaron.

Ankaŭ aliaj aspektoj de la stirglobo ne plaĉas al mi, sed temas pri detaloj. Tamen, mi devas mencii ke la aparato multe kostas. La demando por stirgloboj estas sufiĉe malalta, kaj ankaŭ la fabrikata kvanto estas malalta; rezultas ke la fabrikantoj ne povas ĝui skalan ekonomion.

Plusoj:

aspekto
agrabla

Minusoj:

multekosta
brua
diversaj detaloj

Ligilo al la retejo de la fabrikanto: Kensington SlimBlade

Mia labortablo en 2017

Sun, 17 Dec 2017 00:00:00 +0000

Mia labortablo en 2017.

Aliaj interesaj YouTubistoj:

Purigado de komputilujo

Sun, 05 Nov 2017 00:00:00 +0000

En tiu-ĉi video mi purigas kaj rebonigas komputilujon.

Bonvenon!

Fri, 19 Feb 2016 00:00:00 +0000

Vi vidas retejo kiu celas helpi interkomunikado de la homaro, interalie per la uzo de Esperanto.